Shtohen aksidentet në “zebra”, parlamenti nuk reagon

Dhoma Nacionale e Parlamentit nuk e ka ndërmend të reagojë përmes një pasusi për të evituar mangësitë e sigurisë

Aksidentet e shpeshtuara kohëve të fundit në vendkalimet për këmbësorë (zebra) kanë ngjallur debat dhe kanë alarmuar opinionion zviceran. Ato kanë provokuar edhe debatin rreth pakos së sigurisë në komunikacion, të quajtur “Via Sicura”.

Por, siç shkruajnë mediet zvicerane, Dhoma Nacionale e Parlamentit të Zvicrës nuk e ka ndërmend të reagojë përmes një pasusi të veçantë për të evituar mangësitë e sigurisë në vendkalimet e këmbësorëve.

Dhoma e përmendur ka hedhur poshtë me rezultatin 98:83 një kërkesë të ngritur nga SP-PS lidhur me këtë çështje. Sipas kërkesës në fjalë, federata, kantonet dhe komunat do të detyroheshin që t`u përmbahen masave specifike për siguri me rastin e vënies së vendkalimeve për këmbësorë.

Rreth gjysma e 45.000 vendkalimeve të tilla nuk i plotësojnë normat për siguri, sipas shoqatës së ekspertëve të rrugëve dhe të komunikacionit.