Shqiptarja zgjidhet pedagogia më e mirë në Universitetin italian

Erisa Ibrahimi është pedagoge dhe konsulente dizajni për firmat më të njohura italiane, si Dior dhe Gucci, transmeton albinfo.ch.

Ajo gjithashtu është zgjedhur në universitetin italian si pedagogia më e mirë.

Ajo ka marrë dhe një nismë të veçantë lidhur me kulturën shqiptare, më konkretisht ruajtjen nëpërmjet digjitalizimit të veshjeve popullore tradicionale të vendit tonë.

“Unë besoj që Shqipëria ka qenë gjithmonë shumë përpara për pjesën artizanale të veshjeve. Teknikat kanë qenë shumë të veçanta, edhe pse shqiptarët nuk kanë qenë shumë të dalë.

Duke parë teknikat si realizohen veshjet tona dhe duke parë gjithçka në mbarë botën, gjithmonë theksohet që ne kemi pasur teknika më të avancuara. Ndaj mendoj që bindjet tona duhet të kenë më shumë zë.

Jam shumë e lumtur që kur ua tregoj të tjerëve, ata i pranojnë. Madje, edhe kur kam ndonjë nxënës shqiptar ia tregoi me shumë dëshirë”.

Më tej, Erisa u ndal dhe dasma e saj dhe festa që ka organizuar në sheshin e Venecias e veshur me veshje tradicionale shqiptare.

“Bashkëshorti është shqiptar dhe është shumë i lidhur. Ai ishte DJ në diskotekat italiane, ndërsa që kur më njohu mua, është DJ në festat shqiptare. Atij iu bë shumë qejfi se unë e nxora në mes të Venecias. Ishte diçka shumë e veçantë për të gjithë”.