Shqipëria renditet si vend i bukur dhe i lirë për pushime

Një raport i ri i bërë nga  “Post Office Travel Money” dhe “Airbnb” ka zbuluar se një numër i qyteteve pak të njohura evropiane po tregojnë se kanë kërkesa më të mëdha sa i takon akomodimit.

Sipas gazetës britanike “Standard” në të cilën përmenden raportet, të dhënat kanë përfshirë 12 muajt e fundit ndërsa listën e kryeson Lviv në Ukrainë, e mas saj vjen Tirana si një nga qytetet më të mira dhe më të lira ku mund të pushosh në Evropë, përcjell Albinfo.ch.

Në listën e publikuar me 10 vendet më të lira dhe më të mira për të pushuar renditen edhe Katovica e cila gjendet në Poloni, Kosice në Sllokavi, Kaunas në Lituani, Antalja në Turqi, dhe Bari në Itali, ndërsa tre vendet të cilat e përmbyllin këtë listë janë, Moska, Lisboa dhe Alkmaar.

Më poshtë mund të gjeni listën me 10 qytetet më të preferuara dhe çmimet për dy persona për një fundjavë:

1. Lviv, Ukrainë – £137.42
2. Tiranë, Shqipëri – £153.43
3. Katovicë, Poloni – £191.72
4. Kosice, Sllovaki – £195.52
5. Kaunas, Lituani – £236.79
6. Antalja, Turqi – £245.57
7. Bari, Itali – £294.38
8. Moskë, Rusi – £336.26
9. Lisbonë, Portugali – £378.12
10. Alkmaar, Holandë – £409.69