Shqipëri: ‘Kapelet’, vendi që po tërheq shumë vizitorë, investim nga emigrantët

Agroturizmi në Shqipëri ka marrë hov të madh zhvillimi, sidomos vitet e fundit. Ka shumë raste kur emigrantë shqiptarë që për vite të tëra kanë punuar jashtë vendit, rikthehen me investime në Shqipëri, duke kontribuar në zhvillimin e mëtejmë të këtij lloj biznesi, shkruan albinfo.ch.

I tillë është rasti i një emigranti, i cili ndërtoi pikën agroturistike “Kapelet” në Linzë, që ndodhet në Malin e Dajtit, Tiranë.

Për vizitë në këtë pikë ishte kryeministri i Shqipërisë, Edi Rama, me familjen e tij.

“Kapelet” në Linzë, historia e suksesit të një emigranti, Arlindit, që ka krijuar një oazë unikale shijeje estetike dhe gatimi, duke ripërpunuar menunë e traditës shqiptare”, shkruan Rama në rrjete sociale.

Mali i Dajtit, vetëm 22.4 kilometra larg qendrës së kryeqytetit, 1 613 metra mbi nivelin e detit, është tjetër atraksion i mrekullueshëm për vizitorët dhe turistët e huaj që vendosin të vizitojnë Shqipërinë.