Kosova
Shoqatat shqiptare të Gjermanisë dënojnë gjuhën e përdorur ndaj kryediplomates kosovare
Çdo kërkesë nga cilado parti apo cilido lider politik për zbardhjen e vrasjeve politike të ndodhura gjatë dhe pas luftës në Kosovë është veprim human dhe obligim i shtetit ligjor ndaj viktimave dhe familjeve të tyre, thuhet mes tjerash në reagim
Përmes një reagimi publik, shoqatat shqiptare në Gjermani kanë reaguar ashpër ndaj fyerjeve dhe etiketimeve që u bënë ditë më parë kundër ministres së Jashtme kosovare, Donika Gërvalla, raporton Albinfo.ch.
Këto shoqata konsiderojnë se sulmet e orkesturuara të filluara në tempullin e demokracisë në Kuvend, gjuha e përdorur pa etikë, fyerjet, arroganca dhe sulmet verbale deri në sulm fizik ndaj ministres së Punëve të Jashme dhe Diaspores, znj. Donika Jusuf Gërvalla, tregojnë sjelljen e një klase tanimë të tejkaluar politike, të dëshpëruar, që duken në panik, e cila humbi komoditetin e pushtetit dhe përfitimet nga abuzimi i skajshëm i pushtetit.
Reagimi i plotë:
Shoqatat Kulturore „Sali Çekaj“- Pfaffenhofen,
“Qendra kulturore” Hailbron
„Abeja“-Freising
„Shqiponjat e Bajernit“-Egenfelden.
FC „Kosova“ München “Yjet e Kosovë” e.V. Emmendingen dhe „ Dardania“ nga Manheimi dhe Wiesbaden, „Kadri Zeka“ nga Nörtingeni.
Rrjeti shqiptaro-gjerman për angazhim politik (DANPE).
Shoqata “Gjergj Kastrioti -SKENDERBEU“ Minchem.
“Uniteti i Diasporës Shqiptare” Waiblingen
Të nderuar bashkatëdhetarë dhe ju qytetarë të Republikës së Kosovës,
Sulmet e orkesturuara të filluara në tempullin e demokracisë në Kuvend, gjuha e përdorur pa etikë, fyerjet, arroganca dhe sulmet verbale deri në sulm fizik ndaj ministres së Punëve të Jashme dhe Diaspores znj. Donika Jusuf Gërvalla tregojnë sjelljen e një klase tanimë të tejkaluar politike, të dëshpëruar duken në panik, e cila humbi komoditetin e pushtetit dhe përfitimet nga abuzimi i skajshëm i pushtetit. Çdo kërkesë nga cilado parti apo cilido lider politik për zbardhjen e vrasjeve politike të ndodhura gjatë dhe pas luftës në Kosovë është veprim human dhe obligim i shtetit ligjor ndaj viktimave dhe familjeve të tyre. Arsyetimi se kinse po sulmohet dhe gjykohet UÇK-ja është një manovër,alibi dhe shpifje e dukshme.Mjafton të i shikoni deklaratat e pasurisë së disa protagonistëve dhe ish-drejtuesve të UÇK-së, të cilët e kompromituan luften dhe paqen me veprimet dhe sjelljet e tyre të abuzimit me pushtetin dhe e kuptoni se sa i shërbyen vendit dhe ndërtimit të shtetit ligjor. Moszbardhja e vrasjeve politike nxiti dhe presionin të mbrenshem dhe nga SHBA-ja,BE-ja. Sot ish-liderët e UÇK-së po mbahen në burg të Hagës sepse Kosova dhe udhëheqësit e saj politik për 20-vite nuk arritën apo nuk deshën të vendosin drejtësi për viktimat e vrasjeve politike. Disa nga ata udheheqës sot dyshohen si nxitës apo porositës të atyre vrasjeve për arritjen e ambicieve individuale politike e karrieriste dhe pasurim enorm.Asnjë parti apo person nuk ka të drejtë ta privatizojë UÇK-në sepse ajo është vlerë kombëtare. Shumë njerëz kanë dhënë kontributin e vet për lirinë e Kosovës. Fshehja prapa UÇK-së nuk i ndihmon, por e dëmton imazhin dhe rolin çlirimtar të UÇK-së dhe Shtetit të Kosovës në proceset integruese në BE dhe NATO.Rrugët e integrimit do të hapen kur në këtë shtet do të funksionojë shteti ligjor, kur bandat kriminale dhe kapësit e shtetit do të dalin para drejtësisë. Nga deputetët kërkohet të tregojnë kulturë, edukatë dhe tolerancë sepse janë pasqyra dhe imazhi i popullit. Vendi ndodhet në një krizë të thellë pandemike dhe ekonomike. Tani në rend të parë kërkohet unitet, konsensus, përgjegjësi dhe vetëdije shtetërore dhe kombëtare për tejkalimin e pandemisë, për zhvillim ekonomik dhe fuqizim të drejtësisë, për konsolidimin e demokracisë dhe mbrojtjen e interesave shtetërore e kombëtare në marrëdhëniet ndërkombëtare.
E-Diaspora
-
Dr. Cristiana Lucchetti: Shqipja, gjuha më e rëndësishme e origjinës në Zvicër “Përmes kërkimit tim do të doja të rris ndërgjegjësimin për shqipen si gjuha më e rëndësishme...
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Amerikë
Piloti i parë shqiptar i Forcave ajrore amerikane: Me krenari e mbaj uniformën
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri