Lajme
Shkollat në Zvicër fillojnë punën pa maska dhe me 15% më pak mësues
Ngurrimi rreth hapjes së tyre është më i theksuar në Zvicrën perëndimore (frankofone), e cila është më e prekur nga pandemia, sesa në Zvicrën gjermane
Hapja e sërishme e shkollave, me vendimin e Qeverisë Federale për zbutjen e mëtejshme të masave mbrojtëse është paraparë për sot, më 11 maj në nivel vendi. Por, u është lënë kantoneve të vendosin për datën dhe detajet e hapjes.
Sidoqoftë, rifillimi i punës së shkollave, pas afër 2 muajve të pushimit të detyruar, ka qenë një ndër pikat që kanë ngjallur debat në mediat e këtushme për shkak të ndjeshmërisë që ka, shrkuan albinfo.ch.
Kur është fjala për hapjen shkollave të detyrueshme, ka një “kaos” në nivel vendi. Ngurrimi rreth hapjes së tyre është më i theksuar në Zvicrën perëndimore (frankofone), e cila është më e prekur nga pandemia, sesa në Zvicrën gjermane, shkruan srf.ch.
Shumica e kantoneve në Zvicrën perëndimore fillojnë mësimin me gjysmë klasa. Edhe kantoni i Bernës dhe ai i Cyrihut gjithashtu mbështeten në këtë sistem. Në Ticino, mësimi zhvillohet nën masa shumë të rrepta mbrojtëse.
Kantonet në Zvicrën Qendrore, Zvicrën Lindore dhe kantonet e Zvicrës Veriperëndimore ndërkaq, kanë filluar mësimin me klasa të plota.
Në shkollat e posahapura vlejnë rregullat në vijim: Mbahet distanca, lahen duart dhe nuk shpërndahet shujta e orës 9 (zamra).
Mediat zvicerane kanë njoftuar se mësimi sot ka filluar në mënyrë normale dhe pa probleme të mëdha.
Janë disa risi që e dallojnë ditën e rifillimit të vitit shkollor: Tavolinat pastrohen rregullisht dhe nxënësit i lajnë duart shumë më shpesh se zakonisht. Megjithatë, atyre dhe mësuesve nuk u kërkohet të mbajnë maska.
Shkollat kanë rifilluar mbarë me përditshmërinë e tyre, ka thënë për radio srf Dagmar Rösler, kryetare e Shoqatës së Mësuesve të Zvicrës.
Sipas Rösler, rreth 15 për qind e mësuesve nuk janë paraqitur në punë. Bëhet fjalë për ata që i përkasin një grupi rreziku ose që kanë anëtarë të familjes që mund të rrezikohen nga koronavirusi, përcjell albinfo.ch. Mungesa e mësuesve që ishte e pranishme edhe më parë, tashmë ashpërsohet me mungesën e re, të shkaktuar nga pandemia. Dhe kjo përbën “një problem të madh”, thotë. Rösler.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
-
Nesër është dita e fundit e regjistrimit të diasporës
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?