Lajme
Apel dramatik i shefit të Task Forcës së koronës, drejtuar zviceranëve
"Jam i shqetësuar pasi ndodhemi në një moment kritik,prandaj është e rëndësishme të veprohet shpejt dhe saktë", ka thënë Martin Ackermann
Për presidentin e Task Forcës Federale të Koronës, Martin Ackermann, është e rëndësishme që numri aktualisht i lartë i infeksioneve të reja me koronavirus në Zvicër të stabilizohet dhe të ulet. Duke respektuar masat mbrojtëse, të gjithë mund të kontribuojnë, shprehet ai.
“Jam i shqetësuar pasi ndodhemi në një moment kritik, prandaj është e rëndësishme të veprohet shpejt dhe saktë”, ka thënë Ackermann në emisionin “SamstagRundschau” të Radio SRF.
Me 1,077 raste, e mërkura që shkoi ishte dita e parë me më shumë se 1,000 raste ditore, e raportuar në Zvicër që nga pranvera, transmeton albinfo.ch. Të enjten ka pasur 1172 raste, ndërsa të premten 1487 infeksione të reja.
Sipas Ackermann, strategjia e Zvicrës bazohet në gjurmimin e kontakteve të njerëzve të infektuar dhe ndërprerjen e zinxhirëve të infeksionit. Megjithatë, me këtë numër të lartë të rasteve, kjo është shumë e vështirë dhe e kushtueshme për kantonet.
Numri i infeksioneve të reja duhet të stabilizohet dhe zvogëlohet në mënyrë që gjurmimi i kontakteve të mbetet i mundur, përcjell albinfo.ch. “Është në interesin e të gjithëve që numri i rasteve të ulet”, ka thënë Ackermann. Studimet kanë treguar se maskat janë efektive, veçanërisht në mjediset e mbyllura, ku nuk mund të mbahet distanca.
“Është e rëndësishme që të gjithë të jemi të vetëdijshëm se është në duart tona të sigurojmë që masat funksionojnë vetëm nëse u përmbahemi atyre vetë”. Për shembull, nëse hiqni dorë nga ndonjë festë e madhe ditëlindjeje, mund të ndihmoni që të mbahet situata nën kontroll, transmeton albinfo.ch. Sepse kudo që bashkohen shumë njerëz, ekziston një rrezik më i lartë i infeksionit, veçanërisht në ambiente të mbyllura.
Të ngjashme
Të tjera nga Lajme
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Muttertag: Si e feston Austria Ditën e Nënës? Ashtu si shumë vende të tjera, Dita austriake e Nënës festohet të dielën e dytë të...
-
Çfarë duhet të dini për supermarketet në Austri?
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE