Koronavirusi: çast pas çasti

Shefi i Grupit parlamentar të LDK-së rezulton pozitiv me COVID-19

E diel, 28 Qershor 2020 - 12:20 albinfo.ch

Facebook

Shefi i Grupit Parlamentar të LDK-së, Arben Gashi, përmes një postimi në Facebook ka konfirmuar se ai dhe familja e tij kanë rezultuar pozitivë me COVID-19.

“Me simptoma të lehta, si kokëdhembje e temperaturë, dje shkova të testohem në repartin e Infektives. Unë dhe familja ime dje rezultuam pozitivë me COVID-19 dhe, për pasojë, do të jemi në izolim shtëpiak dyjavor”, ka thënë Gashi.

Deri të shtunën, numri i përgjithshëm i të infektuarve ka shkuar në 2,590, ndërsa kanë vdekur 48 pacientë. Raste aktive janë 1,148, ndërsa numri i përgjithshëm i të shëruarve, tani ka arritur në 1,394, përcjell Albinfo.ch.