SHBA-ja i dhuron 500 mijë maska mbrojtëse Austrisë

Shtetet e Bashkuara të Amerikës që nga java e ardhshme do të dhurojnë 500 mijë maska për mbrojtjen e gojës dhe hundës për qytetarët në Austri. Kjo është një shenjë miqësie mes të dy shteteve, thotë ambasadori amerikan në Austri, Trevor Traina,i cili edhe ishte iniciues i këtij veprimi. Maskat janë me pëlhure të zezë dhe të cilat mund të lahen dhe të ripërdorën.

Në një deponi të vendosura nëpër kuti, tashmë janë në dispozicion gjysmë milionë maska. Nga java e ardhshme vet ambasadori amerikan në Austri, Trevor Traina do të filloj t’i shpërndaj në gjithë Austrinë.

“Shumë njerëz nuk e dinë që SHBA ka mbështetur Austrinë edhe gjatë pandemisë së fundit me 1918 dhe i ka ushqyer më ushqim 300 mijë fëmijë. Austria sot është e fortë si shtet, por miqësia jonë është ende e vlefshme dhe këto maska janë një shenjë e saj”, ka thënë Traina, raporton orf.at, përcjell Albinfo Austria.

Maskat do të shpërndahen kryesisht tek punonjësit e lokaleve, në shkolla, në Dhomën e Tregtisë dhe organizatave joqeveritare, të cilat më pas do të i shpërndajnë edhe tek personat tjerë. Kompania nga Kalifornia ka prodhuar mjaftueshëm maska, dhe kështu që të gjithë ky donacion do të jepet falas.

Lidhur me një krahasim rreth menaxhimit të Austrisë dhe Amerikës rreth përballjes me Covid-19, ambasadori amerikan, Traina ka thënë: “Unë mendoj se është e vështirë për secilin shtet dhe vend tjetër të krahasohet me Austrinë. Austria e vrenjti shumë mirë rrezikun dhe urdhëroi mbylljen e kufijve. Qytetarët austriak gjithashtu e morën shumë seriozisht dhe iu përmbajtën asaj. Rihapja e dyqaneve, bizneseve dhe rikthimi i jetës në normalitet tani është shpërblim për popullin austriak ”, ka thënë ambasadori.

Media të shumta amerikane gjatë javëve të fundit kanë shkruar se Amerika dhe presidenti Donald Trump duhet të marrin shembull Austrinë dhe kancelarin Sebastian Kurz se si do të duhej të menaxhohet me luftën  koronavirusit.

 

---