Ukraina
SHBA do të dërgojë ndihma të tjera ushtarake në Ukrainë
Paketa me vlerë 375 milionë dollarë përfshin municion, artileri dhe automjete të blinduara, tha Biden në përfundim të samitit të G7 në Hiroshimë të Japonisë.
Ai e siguroi presidentin ukrainas, Volodymyr Zelenski, në një takim në kuadër të samitit të G7, se SHBA-ja po bën gjithçka ka në fuqinë e vet për të forcuar mbrojtjen e Ukrainës kundër Rusisë. “Së bashku me të gjithë G7, ne mbështesim Ukrainën dhe premtojmë se nuk do t’ia kthejmë shpinën”, i tha Biden Zelenskit. Presidenti rus, Vladimir Putin, nuk do ta thyejë këtë vendosmëri.
Trajnim për pilotët ukrainas me avionë luftarakë F-16
Në takim Biden theksoi gatishmërinë e SHBA-së për të ndihmuar Ukrainën që të ndërtojë në perspektivë afatgjatë mbrojtjen e saj kundër agresionit rus dhe si dhe aftësitë parandaluese, tha zyra presidenciale. Përveç kësaj Biden tha se bashkë me aleatët dhe vendet partnere do të mbështesin Ukrainën për të trajnuar pilotë ukrainas që të përdorin avionë luftarakë modernë perëndimorë të tipit F-16.
Biden tha se Zelenski i kishte dhënë “garanci të pakushtëzuara” se Ukraina nuk do t’i përdorë avionë F-16 që po merr nga Perëndimi për të depërtuar në territorin rus. Zelenski tha se ka besim se Ukraina do të marrë avionë F-16 nga Perëndimi.
Projekt afatgjatë
Kryeministri britanik, Rishi Sunak, njoftoi se vendi i tij do të fillojë trajnimin e pilotëve luftarakë ukrainas në verë. Megjithatë as Britania e Madhe dhe as Gjermania nuk kanë avionë luftarakë F-16 që dëshiron Ukraina. Kancelari gjerman, Olaf Scholz, tha në Hiroshima se ai e sheh angazhimin e disa vendeve perëndimore për të trajnuar pilotët ukrainas për të përdorur avionët luftarakë F-16, kryesisht si një sinjal politik ndaj Rusisë se Perëndimi do të mbështesë Ukrainën në periudhë afatgjatë.
Kancelari gjerman tha se ai nuk pret që avionët luftarakë modernë F-16 do t’i dorëzohen Ukrainës në të ardhmen e afërt. “Trajnimi i pilotëve është një projekt afatgjatë”, tha Scholz në kuadër të samitit të G7 në Hiroshimë. SHBA-ja ende nuk ka vendosur përfundimisht se çfarë do të bëjë në përfundim të stërvitjes së pilotëve./dw
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri