SECO shpall masat ndaj Rusisë

Nga këto masa që fillojnë të zbatohen sot, preken në radhë të parë afaristët rusë të cilëve u ndalohet të nisin raporte të reja afariste

Pasi që SHBA dhe Bashkimi Evropian kanë bërë ashpërsimin e sanksioneve ekonomike ndaj Rusisë si reaksion për rolin e saj në krizën ukrainase, edhe Zvicra ka vendosur të ashpërsojë masat e veta. Siç  bën të ditur SECO (Sekretariati për ekonomi i Zvicrës) u ndalon shoqërive financiare, në përbërjen e të cilave janë 26 persona dhe 18 ndërmarrje, që të nisin raporte të reja afariste.

Nga këto masa që fillojnë të zbatohen sot në orën 18.00, preken në radhë të parë afaristët rusë, shkruan nzz.ch.

Më herët, Këshilli Federal kishte vendosur të mos u bashkohej sanksioneve të Bashkimit Evropian ndaj Rusisë lidhur me krizën në Ukrainë. Por Zvicra dëshiron të pamundësojë anashkalimin nga Rusia të sanksioneve të BE-së përmes saj. Për të realizuar këtë synim, qeveria e vendit, më 2 prill pati shpallur një urdhëresë  për “Masat lidhur me evitimin e anashkalimit të sanksioneve ndërkombëtare.