Lajme
Sa njerëz me shtetësi kosovare jetojnë në Kantonin e Lucernit
Shtetasit gjermanë përfaqësojnë grupin më të madh me 18.3 për qind. Ata ndiqen nga njerëzit nga Italia me 10.4 për qind, ata nga Kosova me 10.3 për qind...
Në vitin 2019, sipas Lustat (Zyra e statistikave e Kantonit të Lucernit), përqindja e të huajve në kanton ishte 18.8 për qind, shkruan Luzerner Zeitung. Lucerni është pra dukshëm nën mesataren e Zvicrës, ku shkalla e pranisë së të huajve është 25.3 për qind.
Lustat njofton se 77,612 të huaj me banim të përhershëm dhe 2799 jo të përhershëm kanë qenë duke jetuar në kantonin e Lucernit në fund të vitit 2019.
Përqindja e të huajve me qëndrim të përhershëm është rritur nga 11.9 për qind (38.804 persona) në vitin 1991, në 18.8 për qind, transmeton albinfo.ch. Pavarësisht faktit se ka pasur pothuaj dyfishim të përqindjes së të huajve, kantoni i Lucernit është shumë poshtë mesatares së Zvicrës prej 25.3 për qind.
Në përgjithësi, mbi një e katërta e popullsisë së përhershme të Lucernit të moshës 15 vjeç e lart ka prejardhje të huaj.
Rreth 56.7 përqind e të huajve që jetojnë në këtë kanton kanë ardhur nga shtetet e Bashkimit Evropian, 9.9 për qind nga Azia, 5.1 përqind nga Afrika dhe 2.6 për qind nga Amerika.
Më tutje, shtetasit e Maqedonisë që jetojnë në këtë kanton përbëjnë 3% (shumica dërmuese e tyre janë shqiptarë), ata të Serbisë, 5% etj.
Nga 163 kombet e huaja të përfaqësuar në kanton, shtetasit gjermanë përfaqësojnë grupin më të madh me 18.3 për qind. Ata ndiqen nga njerëzit nga Italia me 10.4 për qind, ata nga Kosova me 10.3 për qind dhe nga Portugalia, me 9.6 përqind.
Në vitin 2019, 1,152 të huaj janë natyralizuan në kantonin e Lucernit, ose 545 më pak se një vit më parë, përcjell albinfo.ch. Po u krahasua me numrin e përgjithshëm të banorëve të përhershëm të huaj në kantonin e Lucernit, kjo korrespondon me një shifër prej 15.0 natyralizimesh për 1000 të huaj.
Të ngjashme
Të tjera nga Lajme
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?