Lajme
Sa kushton të ndryshoni apartament në qytetet e Zvicrës?
Nëse ndërroni apartamente në qytetet më të mëdha të Zvicrës, do të paguani 35 për qind më shumë qira se sa paguani aktualisht, sipas një raporti të ri.
Raporti, i përgatitur nga Raiffeisen Bank e Zvicrës, zbuloi se kur merret parasysh vetëm rritja e qirasë, do të jeni përgjegjës për një qira mujore që është më shumë se një e treta më e lartë, përcjell albinfo.ch.
Rritja prej 35 për qind është vetëm në bazë të qirasë dhe nuk përfshin kosto të tjera, si tarifat e lëvizjes, kohën e punës etj. Pesë qytetet më të mëdha në Zvicër janë Cyrihu, Gjeneva, Bazeli, Lausanna dhe Berna.
Arsyeja e rritjes së kostove është shuma mesatare e qirave në qytetet e mëdha, në krahasim me kohëzgjatjen e qirasë mesatare.
Raporti tregon se ligjet e qiramarrjes gjithashtu luajnë një rol.
Martin Neff, shefi ekonomist në Raffheisen Bank, thekson se hendeku është edhe më i madh për njerëzit që kanë jetuar në banesë më gjatë.
“Sa më gjatë të keni jetuar në banesën tuaj, aq më i madh është ndryshimi”, tha ai. “Kjo është një pasojë e ligjit të qirasë, që ka çuar në një hendek të madh mes qirave ekzistuese dhe të disponueshme në shumë pjesë të Zvicrës”.
Studimi zbulon se si rezultat i rritjes së kostove në zonat urbane, gjithnjë e më shumë njerëz po shkojnë drejt zonave periferike ose rajonale për të jetuar.
Përkundër rritjes së popullsisë në qytetet zvicerane, studimi zbulon se banorët me origjinë zvicerane largohen nga qytetet më shumë sesa transferohen në to – me popullsinë imigruese të Zvicrës, duke mbajtur kërkesën në qytetet e larta, përcjell tutje albinfo.ch.
Të ngjashme
Të tjera nga Lajme
E-Diaspora
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim Ai u dënua me 8 muaj burg (shtesë) për tentim shantazhimi. T30-vjeçari ishte duke vuajtur dënimin...
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri