Maqedonia
Si do të votojnë qytetarët e infektuar me koronavirus në Maqedoni
Zgjedhjet parlamentare në Maqedoninë e Veriut kanë nisur sot, ndërsa do të zgjasin për 3 ditë me radhë. Është parashikuar që edhe personat e infektuar me Covid-19, që nuk është numër i vogël, në fakt, në shtetin fqinj të votojnë pavarësisht se ndodhen në vetizolim, përcjell albinfo.ch.
Në masa të përcaktuara në protokollin e autoriteteve shëndetësore në vend, këta persona do të kenë mundësinë të paraqiten pranë qendrave të votimit për të shprehur vullnetin e tyre për qeverinë e radhës.
Nga 770 kërkesa që janë paraqitur për të votuar, ditën e sotme do të lejohen të votojnë 716 persona, ndërkohë që nesër do të hedhin votën e tyre në kuti 8852 qytetarë që janë të sëmurë kronikë dhe rrezikohen nga koronavirusi.
Në ditën vijuese, përkatësisht të mërkurën e ardhshme, është rundi final, kur pjesa tjetër e popullsisë së Maqedonisë së Veriut do të votojë për qeverinë e ardhshme.
Ndërkohë, vlen të theksohet se për herë të parë në historinë e vendit, nga BDI e Ali Ahmetit është shpallur kandidati shqiptar për kryeministër, ndërsa partitë shqiptare edhe në këto zgjedhje nuk janë të unifikuara.
Përderisa partitë maqedonase që marrin edhe shumicën e votive janë të ndara në bindjet e tyre politike dhe se koalicioni mes tyre është praktikisht i pamundur, shqiptarët kanë luajtur pothuajse gjithmonë rol vendimtar në formimin e qeverive, por këtë radhë, shpallja e kandidatit për kryeministër nga BDI do të thotë se vendi mund të përballet me një tjetër ngërç politik, pasi asnjëra palë nuk pritet të sigurojë votat për ta formuar e vetme qeverinë.
Fushata e elektorale në vendin fqinj ka qenë e qetë na rrafshin e tubimeve, pasi kanë qenë të reduktuara dhe me protokoll sigurie, ndërsa politika zien nga përgjimet e fundit që kanë dalë nga telefoni i ish-kryeministrit Zoran Zaev, ku dëgjohet të denigrojë shqiptarët, por edhe të kritikojë perëndimorët. /Albinfo.ch
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?