Kriza në Ukrainë
Rusia sulmoi sërish portin ku transportohet gruri
Autoritetet ruse thanë të hënën se një sulm me raketa që trupat e saj ndërmorën ndaj portit të Odesës në Ukrainë nuk duhet të ndikojë te marrëveshja për të rifilluar eksportet e drithit.
Zëdhënësi i Kremlinit, Dmitry Peskov, tha se raketat goditën vetëm infrastrukturën ushtarake dhe jo atë që përdoret për eksportin e drithit.
Fillimisht Rusia e mohoi përfshirjen në sulmin e së shtunës, por të dielën ndryshoi qëndrim dhe tha se trupat e saj ishin përgjegjëse.
Zyrtarët ukrainas kanë bërë të ditur se po vazhdojnë me përpjekjet për të rifilluar eksportin e drithit, bazuar në marrëveshjen e firmosur nga Kievi dhe Moska në Stamboll.
Kombet e Bashkuara dhe Turqia ndërmjetësuan në arritjen e marrëveshjes, sipas së cilës flota ruse në Detin e Zi duhet të lejojë kalimin e sigurt nëpër zonat që Moska ka bllokuar, që prej fillimit të sulmin në Ukrainë, në fund të muajit shkurt.
Marrëveshja u përshëndet si një hap i rëndësishëm drejt zbutjes së një krize globale ushqimore. Sekretari i Përgjithshëm të OKB-së, Antonio Guterres, e quajti atë “një dritë shprese, mundësish e lehtësimi”.
Presidenti ukrainas, Volodymyr Zelenskyy, kritikoi Rusinë pas sulmit në portin e Odesës, duke thënë se një gjë e tillë rrezikonte marrëveshjen mbi drithin.
Në një reagim të tij, sekretari amerikan i Shtetit, Antony Blinken, tha se sulmi “hedh dyshime serioze mbi besueshmërinë e angazhimit të Rusisë ndaj marrëveshjes dhe minon punën e OKB-së, Turqisë dhe Ukrainës për të dërguar produkte jetike ushqimore në tregjet ndërkombëtare”./VOA
E-Diaspora
-
Kryediplomati shqiptar, Igli Hasani, takon homologun e tij nga Zvicra, Ignazio Cassis Takim i shkëlqyer me homologun zviceran, Ignazio Cassis, e ka cilësuar ministri i Jashtëm i Shqipërisë,...
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri