Ukraina

“Rusia humbi 30 sisteme artilerie në vetëm 24 orë dhe këto nuk janë humbjet e vetme”

E diel, 3 Shtator 2023 - 23:00 albinfo.ch
Keystone (AP Photo/Roman Hrytsyna)

Shtabi i Përgjithshëm i Forcave të Armatosura të Ukrainës në rrjetin social “Facebook” ka publikuar disa shifra, sipas të cilave Rusia humbi 30 sisteme artilerie dhe 24 automjete të blinduara të personelit (APV) brenda 24 orëve nga e premtja, 1 shtatori dhe e shtuna, 2 shtator, shkruan albinfo.ch.

Përveç kësaj, sipas këtyre të dhënave, numri i përditshëm i humbjeve ruse tregon për 570 forca ushtarake, 12 tanke dhe 12 UAV në të njëjtat 24 orë, teksa thuhet se Rusia ka humbur gjithsej 8,637 APV dhe 5,560 sisteme artilerie që nga fillimi i pushtimit të saj më 24 shkurt 2022.

Këto humbje të supozuara vijnë pasi Shtetet e Bashkuara të Amerikës kanë thënë se forcat ukrainase kanë bërë “përparim të dukshëm” në sektorin jugor të frontit.

Ndryshe, numrat e humbjeve në të dy vendet është e vështirë të vërtetohen.

 Të tjera nga Ukraina

Kantoni zviceran dëshiron të tërheqë ndihmën emergjente për dhjetëra ukrainas

 E-Diaspora

 Jeta në Austri