Rruga që lidh Kosovën dhe Shqipërinë, merr emrin e kongresmenit Engel

Foto: Ilir Meta (Fb)

Kongresmeni amerikan Eliot Engel ka ‘bashkuar’ shqiptarët, përcjell albinfo.ch.

Rruga Gjakovë-Tropojë, që lidh Kosovën dhe Shqipërinë, tashmë do të mbajë emrin e tij.

Në përurimin e kësaj rruge ka marrë pjesë edhe vetë Engel, bashkë me gruan e tij. Madje Engel i është bashkuar valles shqiptare gjatë kësaj ceremonie. Po ashtu, i pranishëm ishte edhe Rifat Jasharaj.

Ndërsa presidenti i Shqipërisë, Ilir Meta, është shprehur i lumtur që e ka takuar Engel-in në Tropojë, të cilin e ka quajtur mik të madh të kombit shqiptar.

“Kënaqësi e veçantë të përuronim së bashku një nga rrugët që lidh Kosovën me Shqipërinë, që tashmë do mbajë emrin e tij, të gdhendur në zemrën e çdo shqiptari. Nuk ka forcë në botë që të vendosë në diskutim aleancën shqiptaro-amerikane! Asnjë intrigë gjoja në emër të SHBA-së nuk mund ta përçajë atë. Nga dritarja e zyrës së Tij në Uashington DC, marrëdhëniet shqiptaro-amerikane shikohen gjithmonë qartë dhe pastër”, ka shkruar Meta në Facebook.