Rritja e çmimeve në Gjermani, a do të shkojnë zviceranët për blerje?

Pixabay: Ilustrim

Inflacioni ka bërë që në Gjermani të ketë rritje të çmimeve për 20% krahasuar me vitin e kaluar. Shumë fruta dhe perime aktualisht janë më të shtrenjta në Gjermani sesa në Zvicër, por çka do të thotë kjo për qytetarët zviceranë që shkonin në Gjermani për të bërë pazarin?

Sipas një sondazhi nga Universiteti i St. Gallenit, kontrollet e çmimeve jashtë vendit po bëjnë që një në pesë turistë tregtarë të ndryshojnë mendje, tani ata po blejnë përsëri në Zvicër. Çmimi është një kriter shumë i rëndësishëm për shumë konsumatorë, thotë Marcel Stoffel. “Sapo ndryshojnë çmimet, kjo reflektohet në zakonet e blerjeve”, thotë eksperti i shitjes me pakicë dhe botues i raportit të tregut të qendrave tregtare, për 20 minuten, përcjell albinfo.ch.

Ky është një lajm i mirë për shitësit zviceranë. “Ky është një avantazh konkurrues pasi ka qenë në disavantazh për një kohë të gjatë për shkak të frangës së fortë zvicerane”, thotë eksperti i shitjeve me pakicë. Zviceranët që bëjnë pazar në Gjermani tash mund të blejnë pa TVSH, shkruan 20minuten, përcjell albinfo.ch.

Mallrat mund të importohen në Zvicër pa TVSH nëse vlera e tyre totale nuk kalon 300 franga. Nëse kjo vlerë tejkalohet, duhet të paguhet TVSH zvicerane për vlerën totale të mallrave. Përveç kësaj, zviceranët mund të blejnë shumë lirë në vendet e tjera të BE-së falë frangut të fortë zviceran dhe po ashtu edhe laramanisë se produkteve, shkruan 20minuten, përcjell albinfo.ch.