Rritet numri i familjeve me asistencë sociale

Gjithnjë e më shumë njerëz në Zvicër varen nga asistenca sociale. Më 2012 shpenzimet u rritën për 14 për qind në 2.4 miliard franga zvicerane, ndërsa numri i përfituesve është rritur me 6 për qind.

Qeverisë, kantoneve dhe komunave ndihmat shtesë për familjet (Prämienverbilligung, Ergänzungsleistungen)  i kanë kushtuar më 2012  jo më pak se 12.7 miliard franga zvicerane, 438 milionë franga zvicerane, ose 3.6 për qind më shumë se një vit më parë. Më 2011 shpenzimet ishin rritur për 5.8 për qind, ndërsa në vitin 2010, 8.1 për qind.

Megjithatë rritja më e madhe e shpenzimeve ishte regjistruar më 2012  për sa i përket ndihmës sociale.  Bëhet fjalë për 14.4 për qind ose 298 milionë franga zvicerane në asistencë sociale, bën të ditur Zyra Statistikore Federale (FSO). 160 milionë franga zvicerane ishin rritur shpenzimet për asistencën tjetër nga shteti (Ergänzungsleistungen).

Një rritje e konsiderueshme prej 111 milionë është regjistruar në sigurimin e ndihmave sociale për azilantët dhe refugjatët.