Rregullat e reja të doganës, problematike për shumicën

Shumë prej tyre kanë perceptimin se me të renë mund të fusin më shumë mallra se më parë, por në fakt kjo ka të bëjë vetëm me verërat

Rregullat e reja për doganimin e mallrave të blera jashtë vendit që kanë hyrë në fuqi nga fillimi i këtij muaji po u paraqesin probleme të theksuara banorëve të Zvicrës që sjellin mallra nga jashtë. “Ka shumë pyetje që u shtrohen njerëzve që kalojnë kufirin”, thotë Davide Bassi, zëdhënës i komandës së rojeve të kufirit, duke folur për zonën kufitare të jugut të Zvicrës. Shumë prej tyre kanë  perceptimin se me të renë mund të fusin më shumë mallra se më parë, por në fakt kjo ka të bëjë vetëm me verërat, ka sqaruar ai.  

Mallrat e sjella në Zvicër që kanë kushtuar nën 300 franga parimisht janë të liruara nga tatimi në vlerë të shtuar. Ndërkaq, detyrimi për pagesë të doganës qëndro për prodhimet e veçanta. Për shembull sasitë prej më shumë se 5 litra verë ose birrë, mbi 250 gramë duhan, një kilogram ajkë ose buter duhet të doganohen në mënyrë të veçantë.    

Me rregullat e reja prodhimet e mishit, ku hyjnë sallami dhe të ngjashmet duhet të llogariten së bashku. Kanë të drejtë të futen deri një kilogram prodhime mishi pa doganim.

Edhe në zonën kufitare në lindje të Zvicrës është identifikuar një mosnjohje e ngjashme e rregullores së re. Por, siç thonë në dogana, mosnjohja e rregullave nuk i liron njerëzit nga dënimi.