Kosova
Rrëfimi për 24-vjeçarin, punonte në Gjermani, vdes në aksidentin tragjik në Mramor
Familjarët fajësojnë eskortën e ambasadores turke si shkaktar të aksidentit
Agron Shala, 24 vjeçar, nga fshati Ponesh i komunës së Gjilanit, kohë pas kohe shkonte në Gjermani si shumë të rinj tjerë kosovarë për të bërë punë sezonale, në mënyrë që ta mbante familjen e tij.
Por, këtë punë ai më nuk do të mund që ta bëjë. Kjo ngase Agroni bashkë me tre anëtarë të familjes së tij, ndërruan jetë tragjikisht mbrëmjen e së premtes në një aksident trafiku në të cilin u përfshi edhe eskorta e ambasadores turke.
Familjarët fajësojnë eskortën e ambasadores turke si shkaktar të aksidentit. Agron Shala 24 vjeç, Osman Shala dhe Arife Shala 88 vjeç, janë tre pjesëtarët e familjes Shala nga fshati Ponesh i komunës së Gjilanit që ndërruan jetë në aksidentin tragjik të ndodhur në Mramor të premten mbrëma. Në aksident ndërroi jetë edhe mbesa e familjes Shala, Elfete Rashiti 65 vjeçare, raporton ‘GazetaExpress’.
Në këtë aksident ishte përfshirë edhe eskorta e ambasadores së Turqisë në Kosovës, Kivilcim Kiliç, përcjell albinfo.ch.
Por nga familja e të ndjerëve, po deklarojnë se nuk e dinë se si ka ndodhur aksidenti dhe se kush ka qenë në shpejtësi e kush jo.
Daja i Agronit, thotë se në aksidentin që ndodhi të premten, ishin tre vetura të kësaj familje që kishin shkuar në një të pame tek familjarët e tyre.
“Aksidenti ka ndodhur duke u kthyer nga e pamja tek gjyshja e Agronit. Ishin tre vetura të kësaj familje ku është aksidentuar me eskortën e Turqisë”, u shpreh daja i të ndjerit.
“..ende nuk e dimë saktësisht se çfarë ka ndodhur. Por kur ata kanë ardhur në Mramor, ambasadorja turke me Q7 kerrin, gjoja se ai djali ka hy në tejkalim dhe e ka goditë prapë Audia nga prapa”, shpjegon për aksidentin njëri nga familjarët e së ndjerit.
Aty deklarojnë se familja Shala kushtet financiare nuk i kanë të mira. I vetmi burim financiar ishte puna që tashmë e bënte i ndjeri, Agroni, 24-vjeçar i cili kishte punuar në Gjermani.
“Kushtet nuk i kanë aq mirë, ngase nuk punon asnjëri nga familjarët. Ky ma (Agroni), ka qenë azil dhe e kanë kthyer në Kosovë”, rrëfehen nën lot nga familja e të ndjerëve.
E ndërkohë që organet e hetuesisë kosovare po i vazhdojnë hetimet rreth këtij aksidenti të rëndë.
Kryeprokurori i Prokurorisë Themelore në Prishtinë, Imer Beka, deklaroi për mediat se sipas vendit të ngjarjes, shkaktar i aksidentit është tejkalimi.
“Sipas vendit të ngjarjes, shkak i aksidentit është tejkalimi nga vetura ku mbetën të vdekur tre persona, edhe pse në atë pjesë tejkalimi ka qenë i lejueshëm”, tha Beka.
Ai shtoi se për këtë aksident nuk ka ende ndonjë person të ndaluar.
“Të ndaluar nuk ka njëherë, po presim ekspertizën rreth aksidentit, por shenjat e para janë se fajtor i këtij aksidenti është ngasësi i veturës, i cili ka vdekur”, tha Beka.
Ai shtoi se sipas prokurorit kujdestar, edhe pse tejkalimi në atë pjesë ka qenë i lejueshëm, shoferi i veturës nuk e ka matur mundësinë për tejkalim.
Në këtë aksident ishte përfshirë edhe eskorta e ambasadores së Turqisë në Kosovës, Kivilcim Kiliç.
Kryeprokurori Beka tha pse nga eskorta e ambasadores më së shumti lëndime ka pësuar kjo e fundit.
Ambasadorja turke që pësoi lëndime në këtë aksident është dërguar në Turqi për trajtim mjekësor.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?