Shqipëria
Rrëfimi i dëshmitarëve për ngjarjen në Kanionet e Holtës
Banorët e Holtës kanë treguar ngjarjen brenda kanionit që i mori jetën 25-vjeçares dhe rrezikoi shumë turistë të tjerë
25-vjeçarja D. Sallaku nga Lushnja, humbi jetën në Kanionet e Holtës në Gramsh. Ajo u gjet e pajetë dhe dyshohet të jetë marrë nga rrjedha e ujit.
Ajo ishte në shoqërinë e një grupi turistësh, të cilët janë gjendur në vështirësi si pasojë e prurjeve të shumta të ujit. Vëllai dhe i ati i të ndjerës shpëtuan, ndërsa fatkeqësisht nuk ia doli 25-vjeçarja, raportojnë mediat shqiptare.
Në momentin që ka nisur vërshimi i rrëmbyeshëm i ujërave nga malet, 25-vjeçarja ka qenë në kanion së bashku me familjen, por edhe 105 persona të tjerë, që kishin ardhur në grupe të ndryshme, përcjell albinfo.ch.
Pjesa më e madhe e turistëve ia dolën të dilnin nga lumi me shpejtësi, ndërsa shtatët prej tyre i mori rrjedha e ujit, mes të cilëve edhe katër fëmijë që u shpëtuan.
Policia shqiptare ka njoftuar se personat qe kishin humbur kontaktet ne kanionet e Gramshit janë gjetur nga Policia dhe Zjarrfikësit. Të gjithë personat e tjerë që janë gjetur nga forcat e policisë janë në gjendje të mirë për jetën. RENEA dhe forcat e kërkim-shpëtimit u përfshinë në operacion.
Rrëfimi i dëshmitarëve
Një turist tregoi tmerrin që përjetoi dhe si arriti që të shpëtonte vetë dhe njërin nga katër fëmijët nga rrjedha e lumit të Holtës që e mori përpara së bashku me shumë persona të tjerë që ishin brenda në kanion.
“Ne kemi shpëtuar njëri-tjetrin. Na i sillte rryma njëri tjetrin nëpër duar, aq e fortë ishte. Vajzën e pamë që e mori uji, por ishim shumë larg dhe nuk bënim dot asgjë.
Fëmijën që shpëtova ma solli dallga e ujit në duar. Ai ishte me të atin, të cilit i shpëtoi nga duart si pasojë e ujit të rrëmbyeshëm dhe ma solli mua në duar”, tha ai.
Banorët e Holtës kanë treguar ngjarjen brenda kanionit që i mori jetën 25-vjeçares dhe rrezikoi shumë turistë të tjerë.
“Ishin shumë persona në kanion, të tjerët dolën… Kjo që ndodhi është hera e parë. Nuk ka njeri që ti udhëzojë turistët, vetëm ajo që u themi ne” tha njëri prej tyre për Report Tv.
Ndërsa një tjetër banor theksoi se ngjarja ndodhi si pasojë e shirave të menjëhershëm.
“Turistët u futën, por s’e kuptuan rrjedhjen e lumit. U mobilizuan të gjithë, por uji ishte i menjëhershëm dhe vajza nuk shpëtoi. Kjo njihet si zonë me prurje të menjëhershme, aq më tepër verës. Se kuptoj si nuk e kuptuan njerëzit brenda zhurmën e ujit”, tha ai.
E-Diaspora
-
Gjenevë
Gjenevë: Ramë Dardania sjell ekspozitë më 14 qershor Ramë Dardania sot shpalos ekspozitën e tij në Festivalin FIFOG...
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik