Romët, letër Sommaruga-s, kërkojnë më shumë të drejta

^{Romët si pakicë etnike në Zvicër kërkojnë më shumë të drejta, njohje dhe shtim të pjesëmarrjes në proceset politike të vendit. Në një letër të hapur që i kanë dërguar presidentes së federatës, Simonetta Sommaruga, një numër organizatash që bashkojnë romët e Zvicrës kërkojnë më shumë pranim nga shoqëria.}

^{Sipas organizatave në fjalë, në Zvicër jetojnë në mes 80 mijë dhe 100 mijë pjesëtarë të pakicës rome. Në shumicën e tyre janë me vendbanime të qëndrueshme dhe shtetas të Zvicrës.}

^{Autoritetet kanë shpesh mungesë njohurish mbi romët dhe kjo bën që të kemi gjykime paushalle mbi ta. Për këtë arsye është e nevojshme që të merren masa konkrete për të sqaruar përfaqësuesit e autoriteteve shtetërore lidhur me të vërtetën për romët në Zvicër.}