Kuriozitete
Robotët do t’ua marrin punën njerëzve
Zëvendësimi i fuqisë punëtore me robotë është një tendencë e kohës, që në dy dekadat e fundit ka trefishuar numrin e robotëve duke arritur në 2,25 milionë njësi
Në afat të gjatë, këtë sfidë mund ta fitojnë robotët. Robotët me pamje njerëzore, brenda të cilëve janë të përfshira teknologji gjithnjë e më të sofistikuara dhe me Inteligjencë Artificiale – do t’u japin përfitime të mëdha kompanive. Dhe ata që do të vuajnë, do të jenë punonjësit.
Zëvendësimi i fuqisë punëtore me robotë është një tendencë e kohës, që në dy dekadat e fundit ka trefishuar numrin e robotëve duke arritur në 2,25 milionë njësi. Megjithatë, krah për krah me evolucionin e shpejtë teknologjik që sot investon në çdo sektor, këto shifra po rriten në mënyrë eksponenciale, dhe do të kenë pasoja të shumta. Kjo konfirmohet në një studim të realizuar nga Oxford Economics, shoqëri angleze e specializuar në studime parashikuese në nivel botëror dhe analiza sasiore, transmeton Monitor.
Studimi “How Robots Change the World” po krijon një situatë alarmuese nga SHBA në Britaninë e Madhe, përcjell albinfo.ch.
Kërkuesit vlerësojnë që brenda vitit 2030, 20 milionë vende pune në sektorin e prodhimit në mbarë botën do t’u besohen robotëve, nga të cilat 14 milionë vetëm në Kinë.
Pasojat do të prekin më shumë punonjësit më pak të kualifikuar në vendet më të varfra që pikërisht mbi këto shifra e bazojnë ekonominë e tyre. Kjo do të përkthehet në rritje të pabarazisë në të ardhura, duke rritur vështirësitë sociale dhe ekonomike dhe do të sjellë sfida të mëdha politike.
Megjithatë, rritja e përdorimit të robotëve do të sjellë avantazhe në produktivitet dhe rritje ekonomike, dhe do të sjellë edhe krijimin e vendeve të reja të punës më të specializuara. Robotët po bëhen më ekonomikë se shumë punëtorë njerëzorë.
Sipas Oxford Economics, çmimi mesatar për njësi i një roboti ka rënë me 11% në periudhën 2011-2016 dhe këto pajisje janë gjithnjë e më të afta në procese më të sofistikuara dhe në kontekste të ndryshme.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?