Rita Ora humane, ndihmon të prekurit e uraganit në Hjuston

Ajo i është bashkuar misionit humanitar për të ndihmuar njerëzit që janë prekur nga uragani Harvey në Hjuston

Këngëtarja shqiptare, Rita Ora edhe një herë ka treguar anën e saj humane.

Ajo i është bashkuar misionit humanitar për të ndihmuar njerëzit që janë prekur nga uragani Harvey në Hjuston, raporton albinfo.ch.

Sipas mediave ndërkombëtare, ky uragan deri tani ka lënë të vdekur 38 persona dhe ka shkaktuar 10 miliardë dollarë dëme.

26-vjeçarja shqiptare e veshur me rroba të thjeshta sportive nuk ka hezituar që të shpërndajë kutitë me ushqime. Rita kishte ndihmuar edhe familjet kur ishte djegur ndërtesa 24 kartëshe në Londër, apo edhe në sulmin terrorist në Mançester në koncertin e Ariana Grande.

---