Rifillojnë fluturimet për në Ukrainë

Kompania e fluturimeve ajrore “Swiss International Air Lines AG” apo e njohur si “Swiss”, do të rifillojë fluturimet për në Ukrainë nga 26 marsi i vitit të ardhshëm 2018, raporton “avianews.com”, shkruan “www.ukrinform.net”.

“Kompania zvicerane e fluturime ajrore ka njoftuar se fluturimet në Ukrainë do të rifillojnë më 26 mars të vitit 2018. Në këtë datë kompania ajrore do të operojë fluturimin e saj të parë Cyrih-Kiev, pas një ndërprerje katër vjeçare.  Fluturimet në këtë rrugë do të operohen katër herë në javë: të hënën, të mërkurën, të premten dhe të shtunën”, thuhet në raport, përcjell albinfo.ch.

Ndërkohë, është njoftuar se shitja e biletave do të fillojë nga 25 tetori, pra sot.

“Swiss” është pjesë e Grupit Lufthansa, ka fluturuar në Ukrainë nga tetori i vitit 2013 deri në tetor të vitit 2014.

Fluturimet në Kiev u pezulluan për shkak të arsyeve ekonomike.