Lajme
Rifilloi mësimi në shkollat shqipe të Kantonit të St. Gallenit
Javën e kaluar rifilloi mësimi në shkollat shqipe të Kantonit të St. Gallenit; në Flums, në Mels – Sargans, në Buchs, Sevelen, në Ballgach, në Rebstein, në Altstätten, në St. Gallen, në Will, në Wittenbach, në Gossau dhe në ditët në vazhdim pritet të fillojë mësimi edhe në Rapperswil-Jona, në Uznach etj.
Pra, pas tetë javë qëndrimi në banesë, larg shkollës, larg shoqeve dhe shokëve të shkollës, fëmijët u kthyen në bankat shkollore. Tani, jo vetëm në orët e mësimit të rregullt, por edhe në orët e mësimit plotësues në gjuhën shqipe.
Orët e para ishin diçka të veçanta, në sytë e nxënësve shihej një mall, një gëzim, të cilin nuk kishte fjalë që ta përshkruante. Pas ankthit dhe pasigurisë shihej në sytë e tyre një rreze shprese, se sëbashku do t`ia dalim. Një gëzim që ndërlidhej me kohën e kaluar nën hijen e pandemisë dhe rifillimit të mësimit. Një fitore që kërkon ende sakrificë, zbatim të rregullave dhe detyrave të parashtruara qartë nga Drejtoria e Shkollës Zvicerane.
Dhe ashtu vepruam duke iu përmbajtur rregullave, por zhvilluam edhe mësimin. Ora mësimore na dukej diçka e veçantë, diçka e bukur, diçka që na kishte munguar që moti. Dhe kjo veçanti shihej edhe në sytë e fëmijëve. Por, gëzimi dhe buzëqeshja e tyre mbulonte çdo pyetje rreth kohës së kaluar në shtëpi, nën hijen e pandemisë dhe pyetjeve të shumta për të ardhmen, e cila pa sytë e fëmijëve nuk ka kuptim.
Ajo, që shihej qartë, ishte se të gjithëve pa dallim na kishte munguar shkolla, klasa, bankat shkollore, mësimet në klasë, komunikimi i natyrshëm dhe liria.
Dhe filluam, me shpresë që ky ankth dhe kjo pasiguri t`i mbetet të kaluarës, dhe me dëshirën më të madhe, që të mos kthehet kurrë në sytë e tyre.
Dhe në fund, ç’të them, para këtyre nxënësve, të cilët i japin forcë jetës.
Unë shpresoj në forcën e tyre, në ëndrrën e tyre sepse ëndrrat e tyre, ia kthejnë buzëqeshjen jetës.
Të tjera nga Lajme
E-Diaspora
-
Shqiptari i vë flakën vetes në Itali, në sy të gruas së tij Ngjarje e rëndë: 47-vjeçari shqiptar i vë flakën vetes në sy të gruas - ja çka...
-
Dr. Cristiana Lucchetti: Shqipja, gjuha më e rëndësishme e origjinës në Zvicër
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Amerikë
Piloti i parë shqiptar i Forcave ajrore amerikane: Me krenari e mbaj uniformën
Jeta në Austri
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit Kori Siparantum shënoi një moment të pazakontë në historinë muzikore te ne, duke u ngjitur kështu...
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?