Lajme
Reshjet e mëdha të borës në jug të Zvicrës shkaktojnë kaos në trafik
Të shtunën në mëngjes janë prekur disa linja hekurudhore në Ticino, duke përfshirë rrugën midis Airolos dhe Locarnos
Reshjet e mëdha të borës në Ticiono, që kanë vazhduar gjithë natën e mbrëmshme, kanë sjellë trafikun e trenave në një ngërç, shkruan sda.
Të shtunën, shërbimi meteorologjik SRF Meteo pret edhe më tutje shumë reshje bore të freskët, veçanërisht në jug të Zvicrës dhe në Graubünden, ka shkruar sot në twitter shërbimi në fjalë.
Të shtunën në mëngjes janë prekur disa linja hekurudhore në Ticino, duke përfshirë rrugën midis Airolos dhe Locarnos si dhe Bellinzonës dhe Chiassos, shkruan faqja e internetit të SBB, transmeton albinfo.ch.
Hekurudha Brig – Domodossola është prekur gjithashtu nga reshjet, duke shkaktuar kështu anulime trenash dhe vonesa.
Reshjet e mëdha të borës e kishin shtyrë hekurudhën në kufijtë e kapaciteteve të saj qysh të premten.
Në mbrëmje, autostrada A2 midis Lugano-Nord dhe Giornico ishte e mbyllur për trafik të rëndë, njofton TCS. Qeveria federale kishte shpallur nivelin e dytë më të lartë të paralajmërimit të orteqeve për shkak të masave të mëdha të borës në pjesë të Ticinos dhe Graubündenit.
Sipas SRF Meteo, reshjet më të mëdha të borës priteshin gjatë natës nga e premtja deri të shtunën. Lokalisht deri në një metër e gjysmë borë të freskët janë të mundshme, thotë shernbimi meteorologjik në fjalë.
Vende vende, pjesë të rrugës janë ndërprerë për shkak të rrëshqitjeve të tokës ose rënies së trungjeve në rrugë, përcjell albinfo.ch. Në disa pjesë të Luganos ishin të nevojshëm edhe zinxhirët e dëborës në makina.
Të ngjashme
Të tjera nga Lajme
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?