Rënie e theksuar e përkrahjes për Iniciativën e dëbimit

Vetëm 43% të të anketuarve shprehen në favor të saj ndërkohë që 56% janë kundër dhe 1% të papërcaktuar

Iniciativa për zbatimin e dëbimit të të huajve kriminelë ka filluar të humbas epersinë në terren. Një ulje e përqindjes së përkrahësve të saj në krahasim me muajt e mëparshëm është konstatuar edhe në sondazhet tjera, por një sondazh i ri i realizuar nga 20 Minuten e nxjerr këtë iniciativë si humbëse të qartë.

Vetëm 43% të të anketuarve shprehen në favor të saj ndërkohë që 56% janë kundër dhe 1% të papërcaktuar, transmeton albinfo.ch.

Se ndryshimi në opinionin rreth iniciativës është shumë i madh dhe i shpejtë, tregon fakti se në sondazhin e bërë ne illim të janarit 61% të të pyeturve kishin qenë në favor ë iniciativës!

Realizuesit e sondazhit thonë se mbështetja për inicativën ka pësuar rënie sidomos te ithtarët e partive të qendrës. Te simpatizantët e FDP/PLR-së kemi vetëm 29% ndërsa te ata të CVP/PDC-së, 27% përkrahës të iniciativës së SVP-së.