Rekord i ri i nxehtësisë në Gjenevë

Një temperaturë prej 36 gradë Celsius u regjistrua në Gjenevë-Cointrin duke shënuar 23 qershorin më të nxehtë në histori

Vala e nxehtësisë vazhdoi të përfshijë Zvicrën edhe të martën, duke i dhënë Gjenevës 23 qershorin më të nxehtë që nga fillimi i regjistrimeve: Një temperaturë prej 36 gradë Celsius u regjistrua në Gjenevë-Cointrin, transmeton albinfo.ch.

Megjithatë, në pjesën tjetër të Zvicrës, temperatura ishte disi më e freskët në vende të ndryshme sesa një ditë më parë.

Për shembull, rreth orës 5 pasdite në Basel-Binningen, temperatura ishte ende 34.8 gradë Celsius – krahasuar me 36.2 gradë të hënën, siç raportohet nga Zyra Federale e Meteorologjisë dhe Klimatologjisë (MeteoSwiss) të martën, shkruan srf.ch.

Ndërsa në Payerne në kantonin e Vaud, zhiva u rrit vetëm në 34.5 gradë Celsius, krahasuar me 36.1 gradë një ditë më parë.

Në përgjithësi, megjithatë, ishte më e nxehtë në Zvicrën perëndimore sesa më në lindje ose edhe në Ticino.

---