Rekord i Aeroportit të Cyrihut: Fluturon pasagjeri i 25 miliontë

Një delegacion i Flughafen Zürich AG ka përshëndetur pasagjerin fatlum dhe i ka dhuruar një dhuratë personit që udhëtonte drejt Madeira-s.

Aeroporti më i madh i Zvicrës, ai i Cyrihut (Kloten) ka regjistruar dje, më 24 dhjetor pasagjerin e tij të 25 miliontë për vitin 2014. Me këtë është shënuar edhe rekordi i këtij aeroporti prej se ekziston ai, sa i përket numrit të pasagjerëve që fluturojnë prej këtu ose aterrojnë në këtë aeroport.

Siç njoftohet nga drejtoria e aeroportit, udhëtari që ka shënuar rekordin ka bërë paraqitjen në kontrollin e pasaportave dje pak pas orës 9 të mëngjesit, shkruan srf.ch.

Me këtë rast një delegacion i Flughafen Zürich AG ka përshëndetur pasagjerin fatlum dhe i ka dhuruar një dhuratë personit që udhëtonte dejt Madeira-s.

Në vitin paraprak, 2013 nga Aeroporti i Cyrihut kishin fluturuar ose aterruar gjithsej 24.865.138 pasagjerë, që i bie  mestarsisht nga 68.124 në ditë.