Bota
Refugjatët kanë ngritur shkallën e kriminalitetit në Gjermani
Shqiptarët janë të vetmit evropianë dhe të tjerë në shtatë vendet e para të listës sipas vendeve të prejardhjes së delikuentëve, ku të gjithë të tjerët janë nga Afrika e Veriut
Ajo që përflitej në medie dhe në opinion, se fluksi masiv i refugjatëve gjatë dy viteve të fundit ka ndokuar në ngritjen e kriminalitetit, ka marrë së fundi edhe konfirmimin shkencor. Në një studim të realizuar nga studiuesit gjermanë të kriminalitetit: Christian Pfeiffer, Dirk Baier dhe Sören Kliem është hulumtuar lidhja në mes të dhunës dhe rritjes së numrit të refugjatëve, duke u bazuar në shembullin e landit Niedersachsen, shkruan epochtimes.de.
Studimi ka gjetur se gjatë periudhës 2014-2016 ka pasur një rritje prej 10.4 për qind të veprave të dhunshme të regjistruara nga policia, transmeton albinfo.ch. 92.1 për qind e kësaj rritje është bërë falë refugjatëve.
Studimi ka arritur në konstatimin se veçanërisht të dhunshëm janë migrantët të cilët nuk kanë shanse të qëndrimit në Gjermani. Mungesa e femrave ndikon në mënyrë të veçantë në ngritjen e shkallës së dhunës te kjo kategori, kanë konstatuar autorët e studimit. Shumë prej meshkujve të regjistruar si të dhunshëm, orientohen sipas “normave të vendeve të tyre të prejardhjes që legjitimojnë dhunën mashkullore”, përcjell albinfo.ch.
Kështu, studiuesit e shohin bashkimin familjar edhe për migrantët pa leje të qëndrimit në Gjermani si masë për parandalim të dhunës. Përveç kësaj, nga shteti pritet të investojë më shumë në kurset e gjuhës, sport, praktikë pune dhe në koncepte plotësuese të kujdestarisë.
Shqiptarët janë të vetmit evropianë dhe të tjerë në shtatë vendet e para të listës sipas vendeve të prejardhjes së delikuentëve, ku të gjithë të tjerët janë nga Afrika e Veriut, transmeton albinfo.ch. Është simptomatik numri i të dyshuarve për krime ng Algjeria. 52% të njerëzve nga ky vend janë në këtë kategori!
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?