Raporti nga OKB: Sa do të rritet popullsia deri më 2050 dhe 2100

Popullsia e botës pritet të arrijë 9,7 miliardë në vitin 2050 kundrejt shifrës aktuale 7,7 miliardë, me një dyfishim të numrit të popullsisë në Afrikën sub-Sahariane, sipas një raporti të publikuar nga OKB-ja.

OKB-ja parashikon që popullsia mund të arrijë në rreth 11 miliardë individë në vitin 2100.

Raporti “Perspektiva e popullsisë botërore” konfirmon ndërkohë plakjen e popullsisë së botës për shkak të rritjes së jetëgjatësisë dhe një rënie të numrit të lindjeve.

Numri i shteteve që po përjetojnë një rënie të numrit të popullsisë, sa vjen e po rritet, konstaton Departamenti i Çështjeve Ekonomike dhe Sociale i Kombeve të Bashkuara nga ku është bazuar dhe raporti, transmeton ATSH.

Që nga viti 2010, 27 shtete ose territore kanë regjistruar një rënie prej të paktën 1% të numrit të popullsisë, një rënie për shkak të numrit të ulët të lindjeve, përcjell albinfo.ch.