Qyteti gjerman që ka gjetur një zgjidhje kreative për vaksinimin e fëmijëve

Foto: Screenshot/Youtube

Derisa vaksinimi anti-Covid po vazhdon të jetë sfidë për botën, edhe më i vështirë po del vaksinimi i fëmijëve. Shumë prindër kanë hezitime dhe pyetje nëse duhet të vaksinojnë fëmijët e tyre, njofton Albinfo.ch.

Por qyteti i Këlnit në Gjermani ka gjetur një ide inovative për ta bërë më interesant këtë proces.

Në një Airbus të vendosur në qytet po mirëpriten fëmijët e moshës pesë deri në njëmbëdhjetë dhe prindërit e tyre.

“Kjo është një fushatë fantastike. Për fëmijët, është diçka krejtësisht ndryshe nga pediatria, dhe gjithçka është e organizuar shumë mirë këtu, gjithçka shkoi mirë. Shumë mirë!”, thotë Susanne Manitz, mësuese, përcjell tutje Albinfo.ch.

Ndryshe, ditëve të fundit, sikurse edhe në pjesën tjetër të Evropës, edhe në Gjermani ka nisur një valë e madhe e infektimeve me Covid-19.