Lajme
Problem numri i madh i të huajve në trazirat e Natës së Vitit të Ri në Berlin
Në natën e Vitit të Ri, në Berlin pati trazira dhe sulme mbi policët. Rezulton se numri i të huajve në mesin e sulmuesve ishte mbiproporcional
Një numër të rinjsh e zhytën Gjermaninë në kaos gjatë natës së Vitit të Ri, transmeton albinfo.ch. Pas kritikave të disa mediave për mospublikimin e emrave të autorëve, policia e Berlinit ka publikuar tashmë shifrat e para.
Sipas një artikulli të gazetës “Berliner Zeitung”, janë regjistruar gjithsej 18 kombësi të ndryshme. 45 nga të dyshuarit janë gjermanë, 27 me shtetësi afgane dhe 21 të tjerë me shtetësi siriane. Ndërkaq, nuk dihet asgjë për kombësinë e të arrestuarve të tjerë.
Mediat e kanë problematizuar çështjen e pranisë së madhe të të rinjve me prejardhje të huaj në këto trazira,
“Berliner Zeitung” shkruan gjithashtu se numri i personave të arrestuar ende duhet të konsiderohet si i përkohshëm. Fillimisht janë përmendur 159 persona të arrestuar. Megjithatë, sipas zëdhënësit të policisë, do të ketë numërim të dyfishtë.
18 policë të lënduar
Në trazirat e rënda që shpërthyen në gjithë Gjermaninë natën e Vitit të Ri 103 autorë janë arrestuar vetëm në Berlin dhe janë lënduar 18 policë.
Kreu federal i sindikatës së policisë gjermane tha për Focus: “Për shumë shërbime emergjente, përshtypja mbizotëruese është se grupet e të rinjve me prejardhje migrimi janë shumë të mbipërfaqësuara”.
Transmetuesit publikë kanë mbajtur një profil të ulët në përshkrimet e autorëve, përcjell albinfo.ch. Të dyshuarit janë duke u hetuar kryesisht për zjarrvënie, shkelje të Ligjit për eksplozivët, shkelje të qetësisë dhe sulm fizik ndaj zyrtarëve të zbatimit të ligjit.
(Foto: Screenshot nga Die Zeit)
Të ngjashme
Të tjera nga Lajme
E-Diaspora
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë” Siç e dini, “Kikiriki-shqip me fëmijë” është emision gjithëpërfshirës në gjuhën amtarë, ku fëmijët shqiptarë nga...
-
5 monumente të reja në Europë në nder të Heroit Kombëtar
-
Kosovari para gjyqit, ka sulmuar çiftin homoseksual
-
Gjuha shqipe forcon integrimin
-
Flisni shqip në Zvicër!
Jeta në Austri
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë” Siç e dini, “Kikiriki-shqip me fëmijë” është emision gjithëpërfshirës në gjuhën amtarë, ku fëmijët shqiptarë nga...
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri
-
Dëmet e aksidenteve rrugore arrijnë në miliarda në Austrinë e Epërme
-
Kancelari austriak me thirrje për testime më të shpeshta të ADN-së, për të verifikuar lidhjet familjare