PS: Transport publik falas në kantonin Aargau

Socialdemokratët e Aargaus  synojnë të ofrojnë transport falas regjional, të financuar nga tatimet dhe taksat e automjeteve motorike. Cédric Wermuth e konsideron si propozim real.

PS në Aargau ka vendosur të fitojë vota në qeverinë e ardhshme dhe zgjedhjet kantonale të tetorit. Një nga pretendimet më të habitshme është që kantoni të ofrojë falas transportin publik në të ardhmen. Kjo ishte raportuar nga Aargauer Zeitung.

Kostoja e saktë e një shërbimi pa pagesë ende nuk është llogaritur në detaje nga PS. Të ardhurat nga biletat në transportin regjionla në Aargau kapin vlerën 150 deri në 200 milionë franga për një vit.

“Varësisht nga modeli, shpenzimet efektive do të jenë më të ulëta dhe  përfitimi ekonomik në mënyrë të qartë do të jetë pozitiv”, thotë Cédric Wermuth nga PS.

Vrima financiare që do të krijohet nga të ardhurat e biletave do të mbulohet me paratë e taksapaguesve.