Protestat kundër filmit “Padmaavat” në Nju Delhi

Siguria është shtuar në disa pjesë të Indisë, pasi në shumë provinca u protestua kundër lansimit të filmit “Padmaavat”.

Disa shkolla suspenduan mësimin në Nju Delhi, pas një sulmi në një autobus të shkollës, derisa kinematë në disa provinca tashmë kanë konfirmuar se nuk do ta shfaqin filmin, përcjell albinfo.ch.

Grupet e besimit hindu pohojnë se filmi “Padmaavat” tregon mos respekt ndaj kulturës së tyre, sepse përshkruan një romancë ndërmjet një mbretëreshe hindu dhe një mbreti mysliman.

Protestuesit kanë djegur automjete dhe kanë sulmuar kinematë, duke kërkuar që filmi të mos lansohet.

Yjet e Bollywoodit, Deepika Padukone dhe Ranveer Singh, luajnë rolet kryesore. Filmi tregon historinë e perandorit të shekullit të 14-të, Alauddin Khilji, i cili u josh nga bukuria e mbretëreshës Padmavati, e cila i përkiste besimit hindu.