Propozohet “ngritja e pragut” për iniciativat popullore

Nëse tash mjaftojnë 100 mijë nënshkrime, në të ardhmen nevojiten jo më pak se 210 mijë sish për të jetësuar një iniciativë

Instituti i njohur për studime shoqërore dhe ekonomike (think-tank) “Avenir Suisse” ka dhënë së fudni një propozim interesant. Ai kërkon që iniciativat për referendume të kenë një prag më të lartë të numrit të nënshkrimeve të nevojshme se që e kanë pasur deri më tash.

Kështu, nëse me rregullat në fuqi mjaftojnë 100 mijë nënshkrime, në të ardhmen nevojiten jo më pak se 210 mijë sish për të jetësuar një iniciativë, gjegjësisht për ta çuar atë deri në votim. Ky numër do të ishte i barabartë me 4 për qind të numrit të zviceranëve me të drejtë vote.

Avenir Suisse e ka arsyetuar këtë propozim me faktin nga 10 iniciativa që janë votuar prej vitit 2002 e deri me tash nga populli, nuk ka mundur pothuaj asnjëra të jetësohej sipas dëshirës së atyre  që i kanë iniciuar.

Nëse do të pranohej propozimi për ngritjen e pragut, do të forcohej dhe do të mbrohej efekti i iniciativave popullore.