Kosova
Prokuroria jep detaje për policët e arrestuar në Gjilan
Bëhet fjalë për vjedhje/ plaçkitje në qendrën tregtare “Agmia” në Gjilan. Zyrtarët policorë janë informuar për plaçkitjen dhe nuk kanë ndërmarrë masa. Ata kanë parë të dyshuarit dhe nuk janë vënë në ndjekje të tyre
Tre zyrtarë policorë janë arrestuar dhe janë suspenduar nga pozita e tyre nën dyshimin për veprën penale të keqpërdorimit të detyrës apo autoritetit zyrtar.
KALLXO.com ka kontaktuar kryeprokurorin e Prokurorisë Themelore në Gjilan, Jetish Malokun, në lidhje me arrestimin e zyrtarëve policorë.
Maloku ka thënë për KALLXO.com se zyrtarët policorë nuk i kanë kryer obligimet e tyre në një rast vjedhjeje në një qendër tregtare në Gjilan dhe një bankomati të vendosur në po atë qendër.
“Janë suspenduar tre policë. Të njëjtit janë arrestuar dhe u është caktuar masa e ndalimit për 48 orë nga prokurori kompetent. E gjitha ka ardhur si pasojë e neglizhencës së obligimeve të tyre si zyrtarë policorë. Bëhet fjalë për vjedhje/ plaçkitje në qendrën tregtare “Agmia” në Gjilan. Zyrtarët policorë janë informuar për plaçkitjen dhe nuk kanë ndërmarrë masa. Ata kanë parë të dyshuarit dhe nuk janë vënë në ndjekje të tyre dhe nuk kanë bërë paralajmërim në bazë, nuk kanë kërkuar as asistencë”, tha kryeprokurori i Gjilanit për KALLXO.com, përcjell Albinfo.ch.
Ai shtoi se zyrtarët policorë janë arrestuar dhe hetimi për rastin është zgjeruar.
“Jemi duke e hetuar rastin. Në të njëjtin rast bëhet fjalë edhe për një patrullë policie e cila ishte statike ka qenë në rrugë por nuk ka marrë pjesë në aksionin e të dyshuarve”, tha Maloku për KALLXO.com.
I pyetur nëse do të kërkohet masë e paraburgimit për zyrtarët policorë, Maloku tha se ende nuk është vendosur një gjë e tillë pa përfunduar procesi i hetimeve.
Të ngjashme
Të tjera nga Kosova
E-Diaspora
-
Jehon kënga e vallja shqipe në sheshin e qytetit Thun Në sheshin kryesor të qytetit Thun, Kantoni i Bernës në një organizim festiv, shumë njerëz kalimtarë...
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998