Priten më shumë turistë amerikanë dhe më pak rusë

Si rezultat i krizës së thellë të rublës, pritet që gjatë vitit 2015 të ketë një rënie të madhe të numrit të turistëve rusë në Zvicër. Kjo rënie mund të jetë deri në 30 për qind

Lëvizjet në kursin e valutave kanë pasur gjithmonë ndikim të madh në turizmin zviceran. Kështu, forcimi prej 10 për qind i dollarit kundrejt frangut, që ka ndodhur gjatë vitit të fundit, pritet të prodhojë efekte të mirëseardhura për turizmin në Zvicër. Dega e turizmit dimëror në Zvicër pret që gjatë këtij viti të ketë një rritje të numrit të turistëve amerikanë nisur nga kjo arsye.

Për të njëjtën arsye, lëvizjet në kursin e valutave, Zvicra gjatë vitit 2014 pati humbur disa mijëra turistë potencialë, raporton srf. Rreth dhjetë për qind më pak japonezë patën vizituar vendskijimet zvicerane si pasojë e jenit të dobësuar kundrejt frangut.

Nga ana tjetër, si rezultat i krizës së thellë të rublës, pritet që gjatë vitit 2015 të ketë një rënie të madhe të numrit të turistëve rusë në Zvicër. Kjo rënie mund të jetë deri në 30 për qind.