Tematike
Prindërit e Iliasit të vrarë: “Asgjë nuk e zbut dhimbjen tonë”
Avokati i prindërve e ka përshkruar vendimin përpara mediave të pranishme si "tallje" dhe "një shuplakë në fytyrë"

Sot, Gjykata Penale e Bazelit i ka shqiptuar zviceranes Alice F. masën e kujdestarisë (mbajtje në një ent psikiatrik) për vrasjen e vogëlushit shqiptar Ilias M.
Pas aktgjykimit, prindërit janë shprehur për mediat e interesuara lidhur me gjykimin. Për ta ka qenë shumë e vështirë që procedura kishte të bënte kryesisht me gruan që ka vrarë djalin e tyre. Për më tepër, vrasësja, Alice F. kishte përdorur çdo mundësi që ta shfrytëzonte procesin për kauzën e saj. Ajo pothuajse kurrë nuk foli për vrasjen.
“Nuk mund të ishte më keq,” thotë nëna për faktin se të akuzuarës iu lejua të prezantojë kërkesën e saj për 45 minuta. “Ajo mendon vetëm për veten”, thotë nëna e viktimës për autoren e vrasjes së të birit, përcjell albinfo.ch. “Ajo paraqitej e dhimbshme duke folur për veten e saj, për gjëra për të cilat ne nuk ishim këtu” thotë babai i saj.
Megjithatë, babai i Iliasit shton se me faktin se vrasëses i është shqiptuar masa e kujdestarisë “ne kemi arritur qëllimin”, transmeton albinfo.ch. Por, sa i përket dhimbjes, asgjë nuk ndryshon për familjen. Koha nuk mund të shërojë plagët e humbjes së djalit të tyre të parë, thonë prindërit
Po ashtu në procesin e sotëm u bë e qartë se prindërit e vogëlushit të vrarë nuk do të marrin dëmshpërblimin që e kishte kërkuar avokati i tyre, Artan Sadiku. Vrasja ishte “jashtëzakonisht e tmerrshme”, por një person, sado fajtor të jetë, i cili jeton vetëm me pensionin AHV nuk mund të ndiqet nga ana financiare. Ky ishte arsyetimi i gjykatës.
Avokati i prindërve e ka përshkruar vendimin përpara mediave të pranishme si “tallje” dhe “një shuplakë në fytyrë”, përcjell albinfo.ch. Ai mund të kundërshtojë këtë aspekt të gjykimit pasi të këshillohet me klientët e tij.
“Zyra e prokurorit publik është e kënaqur me aktgjykimin” është shprehur prokurori publik Alberto Fabbri. Sipas mendimit të tij, gjykata është dashur të shqiptonte masën ashtu siç e ka kërkuar prokuroria. Dhe, ajo ka vepruar ashtu.
“
Të ngjashme
Të tjera nga Tematike
E-Diaspora
-
Verifikohen mbi 38 mijë pako të votave të ardhura përmes postës Komisioni Qendror i Zgjedhjeve (KQZ) ka njoftuar se procesi i verifikimit të pakove me fletëvotime nga...
-
Shqipëria afrohet me Zvicrën, nis operimi i linjës direkte Tiranë-Gjenevë-Tiranë
-
“Gratë gjatë dhe pas luftës”, ekspozitë në Universitetin e Gjenevës
-
Wil (SG): Kapet një shqiptar me 5 kilogramë heroinë
-
Takim letrar me autoren Fatmire Sopa
Jeta në Austri
-
Austri: Arrestohet 14-vjeçari i dyshuar për planifikimin e një sulmi terrorist në Vjenë Autoritetet austriake kanë arrestuar një 14-vjeçar të dyshuar në lidhje me një sulm të parandaluar në...
-
Rritja e natyralizimeve: Kush janë shtetasit e rinj austriakë?
-
Austri: Ekipet pjesëmarrëse në turneun e organizuar për Pavaësinë e Kosovës
-
A mund të paguajnë ligjërisht restorantet austriake shtesë për pagesat me kartë?
-
Rrjeti i Bizneseve Shqiptare në Austri organizon mbrëmje për 17-vjetorin e Pavarësisë së Kosovës