Politikani i SVP-së del kundër “Iniciativës…” së partisë së tij

Pasi jeta asnjëherë nuk është vetëm bardh as vetëm zi, Neuhaus angazhohet për një të drejtë penale që i ndëshkon njësoj ashpër të gjithë keqbërësit pavarësisht përkatësisë së tyre shtetërore

KEYSTONE

Një funksionar nga partia SVP/UDC, pjesëtar i qeverisë së kantonit të Bernës ka dalë publikisht kundër Iniciativës së iniciuar nga partia e tij për «jetësimin e inicativës për dëbimin e të huajve kriminelë». Me këtë deklarim, Christoph Neuhaus që është dhe drejtor për çështje të Sigurisë në Bernë, ka «prishur» idenë e një partie me qëndrim monolit, për çfarë njihet SVP, kur është fjala për problemet me të huajt.

Në një intervistë dhënë gazetës «Nordwestschweiz» Neuhaus veç tjerash thotë: «Kam rezervat më të mëdha kundër kësaj iniciative të vrazhdë».

«Iniciuesit deshën të vendosin një «sistem të dëmshëm dyklasësh», thotë ai. Por duke qenë se jeta asnjëherë nuk është vetëm bardh as vetëm zi, Neuhaus angazhohet për një të drejtë penale që i ndëshkon njësoj ashpër të gjithë keqbërësit pavarësisht përkatësisë së tyre shtetërore. Deri më tash sistemi zviceran i së drejtës ka qenë i orientuar ashtu që «treguesi» i një personi, pasi ka vuajtur dënimin, është kthyer sërish ne zero. Dhe në këtë sistem nuk bën të ndryshojë asgjë».

Nga ana tjetër, kryetari i SVP-së Toni Brunner thotë se nuk mund ta kuptojë një deklarim të illë. Sipas tij «është fakt se shumica e krimeve të dhunshme, si pe¨r shembull përdhunimet, bëhen nga të huajt. Dhe, të huajt janë mysafirë te ne në Zvicër. Kush u përmbahet rregullave tona, nukka përse frikësohet. Por kush kriminalizohet, ai nuk ka çfarë të kërkojë në këtë vend. Dëbimi i të huajve që kanë kryer krime përputehet me vullnetin e popullit dhe ofron siguri më të madhe në Zvicër.

Iniciativa «për jetesimin e iniciativës për dëbimin e të huajve kriminelë është iniciuar si reaksion ndaj bishtnimit që sipas sipas SVP-së po i bën shteti iniciativës së përmendur që ishte votuar nga populli pesë vite më parë. Për këtë arsye, në iniciativën e re është zgjeruar katalogu i veprave penale për të cilat të huajt duhet të dëbohen nga Zvicra. Dhe me të nuk i lihet aspak hapësirë veprimi gjykatave për rastet specifike ose më të rënda.