Sekuestrohen 393 kartëmonedha 100-euroshe, dyshohet se janë false

Foto ilustrim (European Central Bank)

Policia e Kosovës ka zhvilluar operacionin “100 euro”, me ç’rast ka arrestuar dy persona të dyshuar për falsifikim të parave, përcjell albinfo.ch.

Sipas njoftimit të policisë, janë sekuestruar 393 kartëmonedha që dyshohen se janë false, vlera e të cilave arrin në 39 300 euro.

Me urdhër të Gjykatës Themelore, është janë kontrolluar shtëpitë e të dyshuarve, ku policia ka sekuestruar dy telefona dhe një veturë.

I dyshuari I.S. është dërguar në mbajtje për 48 orë, kurse F.B. është liruar me procedurë të rregullt.