Policëve në Kosovë u ndalohen kafenetë dhe shkuarja në xhami

Drejtori i Policisë së Kosovës, Rashit Qalaj, i cili ka raportuar në Komisionin Parlamentar për Punë të Brendshme, së bashku me Ministrin e Punëve të Brendshme, Ekrem Mustafa, ka njoftuar se pjesëtarëve të Policisë u është ndaluar shkuarja në lokale dhe në xhami, shkruan albinfo.ch

Ai ka njoftuar se orari në polici respektohet 100 për  qind.  “Orari i punës është duke u respektuar qind për qind. Ua kemi ndaluar pjesëtarëve policorë qëndrimin në lokale gjatë orarit të punës dhe shkuarjen në xhami”, ka thënë Qalaj.

Ai ka njoftuar po ashtu se do të shtohet edhe numri i policëve në Njësinë Speciale. Ndërsa ministri Mustafa ka deklaruar se dikasteri që ai e udhëheq ka për qëllim luftimin e krimit dhe të korrupsionit.