Podujevasi uron ardhjen e Diasporës

Qytetar i Podujevës, Baki Ejupi, gjatë ditës së sotme ka vendosur një poster në qytetin në fjalë, njofton Klan Kosova, përcjell Albinfo.ch.

Në këtë poster shkruhet “Mirëserdhët Bashkëatdhetarë”, dhe mbrapa është eparaqitur flamuri kombëtar dhe logoja e UÇK-së.

Ideatori i kësaj tha se ky është një aktivitet simbolik për mërgimtarët.

“Arsyeja e këtij aktiviteti simbolik për mërgatën tonë është një mbështetje morale se në kohët më të vështira të vendit tonë kanë dhënë shumë për vendin tonë”, ka thënë Ejupi për Klan Kosovën.

Gjithashtu ai tregoi se sot ka vendosur edhe disa flamuj në shtatoret e Podujevës, përcjell Albinfo.ch.

“Sot kam me i vendos edhe 5 flamuj kombëtar, 5  flamuj shtetëror por gjithashtu edhe 1 të UÇK- së, këto do të vendosen tek shtatoret në Podujevë”, tha më tek Ejupi.

Arsyeja e vendosjes së këtyre flamujve sipas ideatorit Ejupi është që ata të ndjejnë festën e 17 shkurtit këtu në vendlindje nëse nuk munden të jenë këtu për festimin e saj.