Lajme
Personat që kanë marrë vaksinën e tretë ankohen për skuqje dhe kruarje
Swissmedic: "Në thelb, efektet anësore pas vaksinimit përforcues deri më tani kanë korresponduar kryesisht me ato pas vaksinimit të parë dhe të dytë"
Farmacitë në Zvicër raportojnë një rritje të madhe të numrit të klientëve që kërkojnë ndihmë për shkak të skuqjes së lëkurës pas vaksinimit përforcues (vaksinës së tretë). Edhe dermatologët po regjistrojnë më shumë pacientë që ankohen për ndryshime të lëkurës pas vaksinimit të tretë.
Preken 1 deri 10 në 100 të vaksinuar me Moderna dhe vetëm 1 në 1.000 deri në 10.000 me Pfizer/Biontech
Tani ka reaguar edhe Agjencia Zvicerane për Produkte Terapeutike, Swissmedic, e cila është përgjegjëse për monitorimin e efekteve anësore të vaksinimit. Pas 3.5 milionë vaksinave përforcuese, Swissmedic ka marrë më shumë se 200 raporte për urtikarie (skuqje dhe kruarje), kryesisht drejtpërdrejt nga të prekurit, transmeton albinfo.ch. Megjithatë, Swissmedic supozon se shumë raste nuk janë raportuar ose ende nuk janë raportuar dhe se, sipas raportimeve të mediave, do të ketë rritje.
Në Zvicër, vaksina Moderna është vaksinuar veçanërisht shpesh dhe duket se “ethet e hithit” (siç quhen simptomat e ngjashme me ato të prekjes nga hithrat) shfaqen më shpesh me përforcuesit Moderna sesa me ato nga Biontech/Pfizer, shkruan watson.ch. Me vaksinën Spikevax nga Moderna, një skuqje në studimin e regjistrimit është përshkruar si “e zakonshme”, pra një rast në dhjetë deri në njëqind njerëz, ose 1 deri në 10 përqind e të gjithë personave të vaksinuar. Ndërsa te Pfizer/Biontech, kjo simptomë është përshkruar si “e rrallë”, që do të thotë një rast në çdo njëmijë deri në dhjetë mijë njerëz të vaksinuar.
Swissmedic mbledh të dhënat për efektet anësore të padëshiruara të infeksioneve Covid. “Në thelb, efektet anësore pas vaksinimit përforcues deri më tani kanë korresponduar kryesisht me ato pas vaksinimit të parë dhe të dytë,” thotë zëdhënësi Alex Josty, përcjell albinfo.ch. Swissmedic aktualisht po merr raporte për këto çrregullime që raportohen nga të prekurit, në lidhje me vaksinat përforcuese.
“Skuqja dhe mbindjeshmëria janë renditur në mënyrë eksplicite si efekte anësore të mundshme për të dyja vaksinat mRNA,” vazhdon Josty. Raportet aktuale do të hetohen.
Të ngjashme
Të tjera nga Lajme
E-Diaspora
-
Spanjë: Vlerësohet shfaqja “Ëndrrat e Hamletit” e Mentor Zyberajt Mësohet se shfaqja “Ëndrrat e Hamletit”, me regji të Mentor Zyberajt ka marrë vlerësim të lartë...
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik