Përfundoi “Autosalloni” i 85-të i Gjenevës

Është mbyllur të dielën “Salloni i Automobilave” i Gjenevës, i 85-ti me radhë. Gjatë njëmbëdhjetë ditëve sa ka qëndruar i hapur, ky sallon është vizituar nga 682.000 veta, njerëz të pasionuar pas teknikës dhe automobilizmit, në mesin e të cilëve llogariten edhe 11.300 gazetarë.

Këta numra tregojnë një ngritje të vogël në krahasim me sallonin pararendës, atë të vitit 2014. Një numër më i madh eventual i vizitorëve mbase do të ishte i padëshirueshëm, duke iu referuar infrastrukturës aktuale ka thënë drejtori gjeneral i sallonit, Andre Hefti në cermoninë përmbyllëse. “Ne nuk duam më shumë vizitorë por duam vizitorë të kënaqur”, ka thënë ai.

Në këtë edicion të panairit janë prezantuar më shumë se 130 automjete premiera evropiane dhe botërore në mesin e rreth 900 automjeteve të 220 prodhuesve.