Një kamion është përfshirë nga zjarri të hënën pasdite në autostradën A1, mes La Sarraz dhe Cossonay, në kantonin Vaud. Për shkak të incidentit, një pjesë e autostradës u mbyll përkohësisht në të dyja drejtimet.
Zjarri shpërtheu ndërsa kamioni ishte duke lëvizur në autostradën A1. Për momentin, rrethanat e sakta të incidentit dhe gjendja e drejtuesit të mjetit nuk janë bërë të ditura.
Autostrada u mbyll në të dyja drejtimet pranë daljes së Cossonay. Sipas policisë kantonale të Vaudit, rreth orës 18:00, qarkullimi në drejtim të Lozanës dhe Yverdonit u rikthye, pasi zjarri u shua.
Në drejtimin e kundërt, aktualisht është e hapur vetëm njëra korsi për qarkullim.
Autoritetet vijojnë të punojnë në vendngjarje, ndërsa informacionet për shkaqet e zjarrit dhe pasojat e incidentit pritet të bëhen të ditura më tej.
