Performancë kundër iniciativës, me artistë dhe me dele

Sot në mesditë në Cyrih është mbajtur një aktivitet demonstrues kundër iniciativës për zbatimin e dëbimit të kriminelëve të huaj. Si pjesë e aksionit ka qenë performanca në të cilën brenda një gardhi të improvizuar janë grumbulluar një kope delesh, të bardha e të zeza.

Delet në këtë rast janë përdorur simbolikisht për të ironizuar me pllakatin e njohur të SVP-së, ku delet e bardha e nxjerrin jashtë një dele të zezë, si ilustrim për iniciativën e dëbimit.

Aksioni i cili është iniciuar përmes rrjeteve sociale, është zhvuilluar në Helvetiaplatz dhe në të kanë marrë pjesë edhe këngëtarë, në mesin e të cilëve reperi i njohur Greis, këngëtari Faber etj.

Disa medie e kontestojnë sjelljen e deleve në qytet dhe sjellin dilema nëse ato duhet të jenë objekt i mbrojtjes së shoqatave që merren me mbrojtjen e kafshëve. Por organizatorët sigurojnë se këto dele nuk dëmtohen nga ky prezantim, pasi që janë mësuar të jetojnë në ambient me njerëz.