Kuriozitete
Përditësimi i ri i sistemit në Android fsheh një virus
Në qarkullim është një lloj virusi i ri, i maskuar si përditësim i sistemit Android, që sapo hyn në smartphone mund të marrë kontrollin e plotë të pajisjes dhe të vjedhë të dhënat e saj.
Virusi u identifikua nga studiuesit e sigurisë së Zimperium zLabs në një aplikacion të quajtur “System Update”, që nuk është i pranishëm në Google Play Store, por mund të shkarkohet nga faqet e palëve të treta, transmeton Ansa, përcjell Albinfo.ch.
Ky virus kërkon veprimin e përdoruesit për t’u instaluar, ndaj këshillohet të mos instaloni skedarë të shkarkuar nga burime të pabesueshme.
Sipas ekspertëve, ai vepron si një program i qasjes në distancë (RAT), për të kryer një seri veprimesh dhe komandash, përfshirë dërgimin e informacionit në një server të menaxhuar nga zhvilluesit.
Në hetimin e tij, Zimperium testoi virusin, duke konfirmuar se ai mund të vjedhë mesazhe, kontakte, detaje të pajisjes, faqeshënuesit e shfletuesit dhe historikun e kërkimit.
Ai regjistron gjithashtu thirrjet, tingujt e mjedisit nga mikrofoni dhe bën fotografi duke përdorur kamerat e përparme dhe të pasme dhe të gjitha këto pa dijeninë e përdoruesit, pasi e vetmja ikonë e treguar është ajo me logon e Google dhe fjalët “kërkim për përditësim”.
Ndërsa është aktiv, virusi mund të gjurmojë edhe vendndodhjen e viktimës, duke zvogëluar sasinë e të dhënave të rrjetit që konsumon.
Drejtori i Përgjithshëm i Zimperium, Shridhar Mittal, tha se kërcënimi ka të ngjarë të jetë pjesë e një sulmi të synuar.
“Thjesht më i sofistikuari që kemi parë ndonjëherë. Me siguri ka edhe të tjerë si ai dhe kjo është arsyeja pse po bëjmë më të mirën për t’i gjetur sa më shpejt që të jetë e mundur“, shpjegon Mittal.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë